ഒറ്റപ്പാലം: ഒറ്റപ്പാലത്ത് കഞ്ചാവ് കൃഷിനടത്തിയ ബംഗാളി യുവാവ് അറസ്റ്റില്‍. ഉഖില്‍ അലിഷാ(32) എന്ന ബംഗാളി യുവാവാണ് അറസ്റ്റിലായത്. ഈസ്റ്റ് ഒറ്റപ്പാലം കുമ്പാരംകുന്നത്ത് വാടകവീട്ടില്‍ വളര്‍ത്തിയ 22 കഞ്ചാവ് ചെടികളാണ് എക്‌സൈസ് കണ്ടെത്തിയത്. അന്യസംസ്ഥാന തൊഴിലാളികളായ ആറു പേര്‍ ഇവിടെ താമസിക്കുന്നുണ്ട്.
കെട്ടിട ഉടമ വിദേശത്താണ്. മരുന്ന് ചെടി എന്ന വ്യാജേനയാണ് കഞ്ചാവ് ചെടി ഉഖില്‍ വളര്‍ത്തിയിരുന്നത്. നാലുമാസം പ്രായമായതും അഞ്ച് അടി ഉയരം വച്ചതുമായ കഞ്ചാവ് ചെടികളാണ് എക്‌സൈസ് കണ്ടെത്തിയത്. എക്‌സൈസ് ഉദ്യോഗസ്ഥരായ പാലക്കാട് സര്‍ക്കിള്‍ ഇന്‍സ്‌പെക്ടര്‍ എം രാഗേഷ്, എം സുരേഷ് എസ് ബാലകൃഷ്ണന്‍ പങ്കെടുത്തു.