റിയാദ്: സഊദിയില്‍ ഭീകരാക്രമണത്തില്‍ നാലു സുരക്ഷാസേനാംഗങ്ങള്‍ കൊല്ലപ്പെട്ടു. രാജ്യത്തിന്റെ തെക്കുപടിഞ്ഞാറ് ഭാഗത്തെ പട്ടണമായ അസീര്‍ പ്രവിശ്യയില്‍ വ്യാഴാഴ്ച രാത്രിയാണ് സംഭവം. ഇവിടെ പൊലിസ് ചെക്ക് പോയിന്റില്‍ ഭീകരര്‍ ആക്രമണം നടത്തുകയായിരുന്നു. ആക്രമണത്തില്‍ നാലു ഓഫീസര്‍മാര്‍ക്ക് പരുക്കേല്‍ക്കുകയും ചെയ്തിട്ടുണ്ട്.

സുരക്ഷാ സേന നടത്തിയ പ്രത്യാക്രമണത്തില്‍ ഭീകരരില്‍ ഒരാള്‍ കൊല്ലപ്പെടുകയും രണ്ടു പേരെ പിടികൂടുകയും ചെയ്തതായാണ് വിവരം. സ്‌ഫോടകവസ്തുക്കള്‍ കയറ്റിയ വാഹനം ഇടിച്ചു കയറ്റുകയായിരുന്നു. ആക്രമണത്തില്‍ പങ്കാളികളായവര്‍ സഊദി പൗരന്മാര്‍ തന്നെയാണെന്ന് ആഭ്യന്തര മന്ത്രാലയം വ്യക്തമാക്കി. കൂടുതല്‍ വിവരങ്ങള്‍ പുറത്ത് വന്നിട്ടില്ല.