ആലപ്പുഴ : കയര്‍ സംഭരണത്തിലും വിപണനത്തിലും കയര്‍ഫെഡ് സര്‍വ്വകാല റെക്കോര്‍ഡിലേയ്ക്ക്. കഴിഞ്ഞ രണ്ടു വര്‍ഷത്തിനിടയില്‍ കയര്‍ഫെഡ് മികച്ച നേട്ടമാണ് കൈവരിച്ചിരിക്കുന്നത്. രണ്ടുവര്‍ഷത്തില്‍ തന്നെ 2,24,861 ക്വിന്റല്‍ കയര്‍ സംഭരിക്കുകയും 2,33,899 ക്വിന്റല്‍ കയര്‍ പിപണന നടത്തുകയും ചെയ്തു.
കയര്‍ സംഘങ്ങളില്‍ നിന്നും വാങ്ങിയ കയറിനും കയര്‍ ഉത്പന്നങ്ങല്‍ക്കും കുടിശിഖയില്ലാതെ വില നല്‍കിക്കൊണ്ടാണ് ഈ നേട്ടം കൈവരിച്ചിരിക്കുന്നത്. കയര്‍ഫെഡിന്‍െ ഉല്‍പ്പാദന യൂനിറ്റുകളായ അഞ്ച് ചകിരി മില്ലുകളും ആര്‍.സി.പി യൂനിറ്റ്, പി.വി.സി ടഫ്റ്റഡ് കയര്‍ മാറ്റിങ് യൂനിറ്റ്,ആര്‍ ബി യൂനിറ്റ് എന്നിവയും ഇക്കഴിഞ്ഞ വര്‍ഷം മികച്ച ഉത്പ്പാദനനേട്ടം കൈവരിക്കുകയുണ്ടായെന്നും കയര്‍ഫെഡ് ചെയര്‍മാന്‍ അഡ്വ എന്‍ സായികുമാര്‍ പറഞ്ഞു. ജോഷി എബ്രഹാം,എസ്.എല്‍ സജികുമാര്‍, വി.എസ് മണി എന്നിവര്‍ വാര്‍ത്താസമ്മേളത്തില്‍ പങ്കെടുത്തു.