ദോഹ: ഇന്ത്യ അവസരങ്ങളുടെ നാടാണെന്ന് നരേന്ദ്രമോദി. ഈ അവസരങ്ങള്‍ പ്രയോജനപ്പെടുത്താന്‍ എല്ലാവരെയും സ്വാഗതം ചെയ്യുന്നതായി നരേന്ദ്രമോദി പറഞ്ഞു. ഖത്തറില്‍ വ്യവസായ സംരഭകരുമായി നടത്തിയ കൂടിക്കാഴ്ചയില്‍ സംസാരിക്കുകയായിരുന്നു പ്രധാനമന്ത്രി.
ശനിയാഴ്ചയാണ് മോദി ഖത്തറിലെത്തിയത്. ഖത്തര്‍ പ്രധാനമന്ത്രി ഷെയ്ഖ് അബ്ദുല്ല ബിന്‍ നാസര്‍ ബിന്‍ ഖലീഫ അല്‍ത്താനി മോദിയെ സ്വീകരിച്ചു. ഖത്തര്‍ പ്രധാനമന്ത്രി ഒരുക്കിയ അത്താഴവിരുന്നില്‍ അദ്ദേഹം പങ്കെടുത്തു. സന്ദര്‍ശാനാര്‍ഥം ഇരു രാജ്യങ്ങളും തമ്മില്‍ വിവിധ ധാരണാപത്രങ്ങളും കരാറുകളും ഒപ്പുവയ്ക്കും.പിതൃ അമീര്‍ ഷെയ്ഖ് ഹമദ് ബിന്‍ ഖലീഫ അല്‍ത്താനിയെയും സന്ദര്‍ശിച്ച ശേഷം ഷെറാട്ടണില്‍ നടക്കുന്ന പ്രവാസി സമ്മേളനത്തില്‍ പങ്കെടുക്കും. ദോഹയിലെ പര്യാടനത്തിനു ശേഷം പ്രധാനമന്ത്രി സ്വിറ്റസര്‍ലാന്‍ഡിലേക്ക് തിരിക്കും.