ചാവക്കാട്: പതിനൊന്നുകാരിയായ വിദ്യാര്‍ഥിനിയെ പീഡിപ്പിച്ചയാള്‍ അറസ്റ്റില്‍. ചാവക്കാട് ദ്വാരക ബീച്ച് മടത്തിപറമ്പില്‍ സിയാദിനെയാണ് (33)ചാവക്കാട് പൊലിസ് അറസ്റ്റ് ചെയ്തത്. ഇക്കഴിഞ്ഞ ഡിസംബറില്‍ സ്‌കൂള്‍ അവധിക്കാലത്താണ് പെണ്‍കുട്ടി പീഡിപ്പിക്കപ്പെട്ടത്.
പഠിക്കുന്ന സ്‌കൂളിലെ അധ്യാപികയോട് പെണ്‍കുട്ടി വിവരം പറഞ്ഞതിനെ തുടര്‍ന്ന് സ്‌കൂള്‍ അധികൃതര്‍ ചൈല്‍ഡ് വെല്‍ഫെയര്‍ കമ്മിറ്റിയെ വിവരം അറിയിക്കുകയായിരുന്നു.
സ്‌കൂള്‍ അധികൃതരില്‍ നിന്ന് ലഭിച്ച പരാതിയുടെ അടിസ്ഥാനത്തില്‍ ചൈല്‍ഡ് വെല്‍ഫെയര്‍ കമ്മിറ്റി അധികൃതര്‍ പെണ്‍കുട്ടിയുടെ വീട്ടിലെത്തി അന്വേഷണം നടത്തിയിരുന്നു. എന്നാല്‍ ഈ സൂചന അറിഞ്ഞ സിയാദ് താന്‍ പിടിയിലാവുമെന്നു മനസിലായതോടെ നാട്ടില്‍ നിന്നു മുങ്ങുകയായിരുന്നു. കഴിഞ്ഞ ദിവസമാണ് ഇയാള്‍ വീട്ടിലെത്തിയത്.