മണ്ണാര്‍ക്കാട്: കേരള വ്യാപാരി വ്യവസായി ഏകോപന സമിതി മണ്ണാര്‍ക്കാട് യൂനിറ്റിന്റെ ആഭിമുഖ്യത്തില്‍ സഫീര്‍ അനുസ്മരണവും സമാധാന സന്ദേശ സംഗമവും നടത്തി. കോടതിപ്പടിയിലെ പ്രതിഭാ തിയ്യറ്ററിന് സമീപം പ്രത്യേകം തയ്യാറാക്കിയ സഫീര്‍ നഗറില്‍ നടത്തിയ പരിപാടി അഡ്വ. എന്‍. ഷംസുദ്ദീന്‍ എം.എല്‍.എ ഉദ്ഘാടനം ചെയ്തു.
വ്യാപാരി വ്യവസായി ഏകോപന സമിതി സമിതി ജില്ലാ പ്രസിഡന്റ് ജോബി വി. ചുങ്കത്ത് അധ്യക്ഷനായി. അഹമ്മദ് കബീര്‍ ബാഖവി കാഞ്ഞാര്‍ സമാധാന സന്ദേശ പ്രഭാഷണം നടത്തി. നഗരസഭാ ചെയര്‍പേഴ്‌സണ്‍ എം.കെ സുബൈദ, ബ്ലോക്ക് പഞ്ചായത്ത് പ്രസിഡന്റ് യൂസഫ് പാലക്കല്‍, സി. മുഹമ്മദ് ബഷീര്‍, ഫിറോസ് ബാബു, ബഷീര്‍ കുറുവണ്ണ, കൊല്ലപ്പെട്ട സഫീറിന്റെ പിതാവ് സിറാജുദ്ദീന്‍, സലാം കരിമ്പന, ടി.കെ ഗംഗാധരന്‍, അയ്യപ്പന്‍ സംബന്ധിച്ചു.