തൃശൂര്‍ : ആദര്‍ശ വിശുദ്ധിയോടെ നൂറാം വാര്‍ഷികത്തിലെക്കടുക്കുന്ന സമസ്തയുടെ സമ്മേളന ക്യാംപയിന്റെ ഭാഗമായി മേഖലാ തലങ്ങളില്‍ നടക്കുന്ന ആദര്‍ശ സമ്മേളനം വിജയിപ്പിക്കുന്നതിനു വേണ്ടി മദ്‌റസ കമ്മിറ്റികള്‍ മുന്‍കയ്യെടുക്കണമെന്നു സമസ്ത കേരള മദ്‌റസ മാനേജ്‌മെന്റ് അസോസിയേഷന്‍ ജില്ലാ കമ്മിറ്റി ആഹ്വാനം ചെയ്തു. പ്രവാചക ചര്യയുടെ തനതു രൂപമായ അഹ് ലുസുന്നത്തിവല്‍ ജമാഅത്തിന്റെ ആദര്‍ശങ്ങള്‍ നിലനിര്‍ത്താനും നവീന വാദികളുടെ ഇസ്്‌ലാമിക വിരുധതയെ പ്രതിരോധിക്കാനുമാണു ആദര്‍ശ സമ്മേളനം നടത്തുന്നത്. മെയ് 15നു മുന്‍പായി റെയ്ഞ്ച് തലങ്ങളില്‍ മദ്‌റസകള്‍ എങ്ങിനെ മികവിന്റെ കേന്ദ്രമാക്കാം എന്ന പ്രമേയത്തില്‍ മാനേജ്മന്റ് കണ്‍വന്‍ഷന്‍ നടത്താന്‍ തൃശൂരില്‍ ചേര്‍ന്ന ജില്ലാ കമ്മിറ്റി യോഗം തീരുമാനിച്ചു. മുഹമ്മദ് കുട്ടി ബാഖവി അധ്യക്ഷനായി. ഷഹീര്‍ ദേശമങ്ങലം ഉദ്ഘാടനം ചെയ്തു. സിദ്ദീഖ് ഫൈസി മങ്കര, സൈനുദ്ദീന്‍ നാട്ടിക, സിംല ഹസ്സന്‍, ടി.എസ് മമ്മി ദേശമംഗലം, കെ.എം മുഹമ്മദ് ആറ്റൂര്‍, കുഞ്ഞു മൊയ്തു ഹാജി വടക്കേകാട്, ത്രീസറ്റാര്‍ കുഞ്ഞ് മുഹമ്മദ് ഹാജി, എന്‍.കെ അലി കരിക്കാട് സംസാരിച്ചു.