കുറ്റ്യാടി: പരിശുദ്ധദീനിന്റെ യഥാര്‍ത്ഥ ശബ്ദം സമസ്ത കേരള ജംഇയ്യത്തുല്‍ ഉലമയെന്ന് സമസ്ത സെക്രട്ടറി കൊയ്യോട് ഉമര്‍ മുസ്‌ലിയാര്‍.
സമസ്ത നൂറാംവാര്‍ഷികത്തോടനുബന്ധിച്ചുള്ള ആദര്‍ശ പ്രചരണ കാംപയിനിന്റെ ഭാഗമായി എസ്.കെ.എസ്.എസ്.എഫ് കുറ്റ്യാടി മേഖല കമ്മറ്റി സംഘടിപ്പിച്ച 'അസ്മത്തെ ഇസ്ര്‍' ഉലമാ-ഉമറാ സംഗമം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.
സമസ്ത അതിന്റെ സ്ഥാപിത ലക്ഷ്യത്തില്‍ നിന്ന് ഒരു അണുവ്യത്യാസമില്ലാതെയാണ് മുന്നോട്ടുപോയിക്കൊണ്ടിരിക്കുന്നത്.
നൂറുവര്‍ഷം തികയ്ക്കുന്നതും ആദര്‍ശപരമായോ വിശ്വാസപരമായോ യാതൊരു വ്യതിചലനം കൂടാതെയാണെന്നും അദ്ദേഹം കൂട്ടിച്ചേര്‍ത്തു.
ചടങ്ങില്‍ ഹാജി കെ.എ പൊറോറ അധ്യക്ഷനായി. പ്രൊഫ: അബ്ദുല്‍ ഖയ്യൂം മാസ്റ്റര്‍ മുഖ്യപ്രഭാഷണം നടത്തി. മൊയ്തു ബാഖവി, മുനീര്‍ ഫൈസി ഇര്‍ഫാനി, പി.കെ അബ്ദുറഹിമാന്‍, ഇ. അബ്ദുല്‍ അസീസ് മാസ്റ്റര്‍, ഇ.എ റഹ്മാന്‍, ഷൈജല്‍ അഹമ്മദ്, കെ.പി ഷൗക്കത്തലി മാസ്റ്റര്‍, യു.കെ അബ്ദുല്‍ഹമീദ് ഹാജി, മര്‍വസൂപ്പിഹാജി, ശരീഫ് റഹ്മാനി സംസാരിച്ചു. വി.കെ റിയാസ് മാസ്റ്റര്‍ സ്വാഗതവും, ഷൗക്കത്തലി മാസ്റ്റര്‍ ദേവര്‍കോവില്‍ നന്ദിയും പറഞ്ഞു.