കൊല്ലം: നവജാത ശിശുവിന്റെ മൃതദേഹം കുറ്റിക്കാട്ടില്‍ തെരുവുനായ കടിച്ചുകീറിയ നിലയില്‍ കണ്ടെത്തി. കൊല്ലം പുത്തൂരിന് സമിപമാണ് സംഭവം. മൃതശരീരത്തിന് മൂന്നുദിവസത്തെ പ്രായം കണക്കാക്കുന്നു. കുറ്റിക്കാട്ടില്‍ ഉപേക്ഷിച്ചതാണെന്നാണ് സംശയം.

മാംസ കഷ്ണങ്ങള്‍ തെരുവുനായ്ക്കള്‍ കടിച്ചു കീറുന്നത് ശ്രദ്ധയില്‍പെട്ട നാട്ടുകാര്‍ വിവരം പൊലിസിനെ അറിയിക്കുകയായിരുന്നു. പൊലിസെത്തി മൃതദേഹം കൊല്ലം ജില്ലാശുപത്രിയിലേക്ക് മാറ്റി.