ജിദ്ദ: ഗൂഗിളിന്റെ ലോകത്തെ ഏറ്റവും വലിയ ഇന്നവേഷന്‍ ഹബ് സഊദിയില്‍ വരുന്നു. സഊദിയിലെ അഞ്ച് കേന്ദ്രങ്ങളില്‍ ഇന്നവേഷന്‍ ഹബ്ബുകള്‍ സ്ഥാപിക്കാനാണ് പദ്ധതി. ഇതില്‍ റിയാദിലേതായിരിക്കും ഇത്തരത്തില്‍ ലോകത്തുള്ള ഏറ്റവും വലിയ കേന്ദ്രം. വര്‍ഷം 40,000 ട്രെയിനികള്‍ക്ക് ഇവിടെ പരിശീലനം നല്‍കാനാകും. സഊദി ഫെഡറേഷന്‍ ഓഫ് സൈബര്‍ സെക്യൂരിറ്റി ആന്‍ഡ് പ്രോഗ്രാമിങ്ങാണ് ഇന്നവേഷന്‍ ഹബ്ബുകള്‍ ആരംഭിക്കുന്നതുമായി ബന്ധപ്പെട്ട് ഗൂഗിളുമായി കരാറൊപ്പിട്ടത്.

ആര്‍ട്ടിഫിഷ്യല്‍ ഇന്റലിജന്‍സ് അധിഷ്ഠിത പദ്ധതികള്‍, പ്രോട്ടോ ടൈപ്പ് നിര്‍മാണം. മൊബൈല്‍ ആപ്പ് വികസനം തുടങ്ങിയ മേഖലകളിലാകും പ്രവര്‍ത്തനം. ഇവയിലുള്ള പരിശീലനവും ഹബ്ബുകളില്‍ നല്‍കും.