റിയാദ്: ലോകത്തെ സ്വാധീനിച്ച വ്യക്തികളില്‍ സഊദി കിരീടാവകാശിയും പ്രതിരോധ മന്ത്രിയുമായ മുഹമ്മദ് ബിന്‍ സല്‍മാന്‍ ബിന്‍ അബ്ദുല്‍ അസീസ് രാജകുമാരനും. ടൈം മാഗസിന്റെ ഈ വര്‍ഷത്തെ ലോകത്തെ ഏറ്റവും സ്വാധീനിച്ച നൂറ് വ്യക്തിത്വങ്ങളിലാണ് കീരീടാവകാശി ഉള്‍പ്പെട്ടത്. സാമ്പത്തിക സമിതി തലവന്‍ കൂടിയായ മുഹമ്മദ് ബിന്‍ സല്‍മാന്റെ നേതൃത്വത്തില്‍ നടന്നു വരുന്ന സാമൂഹിക സാംസ്‌കാരിക പരിഷ്‌കരണങ്ങളാണ് അദ്ദേഹത്തെ പട്ടികയില്‍ ഇടം നേടാന്‍ സഹായിച്ചത്.

നാല് ഇന്ത്യക്കാരും പട്ടികയില്‍ ഇടം നേടിയിട്ടുണ്ട്. നടിയായ ദീപിക പദുകോണ്‍, ഒല സഹ സ്ഥാപകന്‍ ഭവീഷ്അഗര്‍വാള്‍, ക്രിക്കറ്റ് താരം വിരാട് കൊഹ്‌ലി, മൈക്രോസോഫ്റ്റ് സി ഇ ഒ സത്യാ നദെല്ല എന്നിവരാണ് ഇന്ത്യയില്‍ നിന്നും പട്ടികയില്‍ ഇടം പിടിച്ചവര്‍. നടിയും മോഡലുമായ മില്ലി ബോബി ബ്രൗണ്‍ ആണ് പട്ടികയില്‍ ഇടം നേടിയ ഏറ്റവും പ്രായം കുറഞ്ഞ വ്യക്തി. പതിനാലുകാരിയായ ഇവര്‍ ബ്രിട്ടീഷ് സ്വദേശിനിയാണ്. യു എസ് പ്രസിഡന്റ് ഡൊണാള്‍ഡ് ട്രംപും പട്ടികയില്‍ ഇടം പിടിച്ചിട്ടുണ്ട്.