റായ്പൂര്‍: സുക്മ ജില്ലയില്‍ മാവോവാദികളുമായുണ്ടായ ഏറ്റുമുട്ടലില്‍ സി.ആര്‍.പി.എഫ് അസി.സബ് ഇന്‍സ്‌പെക്ടര്‍ അനില്‍കുമാര്‍ മൗര്യക്ക് വീരമൃത്യു. മധ്യപ്രദേശ് സ്വദേശിയായ അദ്ദേഹം സി.ആര്‍.പി.എഫിന്റെ 212ാം ബറ്റാലിയന്‍ അംഗമായിരുന്നു. കഴിഞ്ഞ വെള്ളിയാഴ്ച രാത്രി കിസ്താരം പൊലിസ് സ്റ്റേഷന്‍ പരിധിയിലാണ് ഏറ്റുമുട്ടലുണ്ടായത്. മാവോവാദികളുടെ സാന്നിധ്യമുണ്ടെന്ന് വിവരം ലഭിച്ചതിനെ തുടര്‍ന്ന് നടത്തിയ തിരച്ചിലിനിടയിലാണ് ഏറ്റുമുട്ടലുണ്ടായത്.