കൊച്ചി: റെക്കോര്‍ഡ് നേട്ടത്തിന്റെ തിളക്കത്തില്‍ സിനിമാതാരം ഗിന്നസ് പക്രു (അജയകുമാര്‍). ഏറ്റവും ഉയരം കുറഞ്ഞ സിനിമാ സംവിധായകനുള്ള മൂന്ന് റെക്കോര്‍ഡ് സര്‍ട്ടിഫിക്കറ്റുകള്‍ ഒറ്റദിവസം ഏറ്റുവാങ്ങിയാണ് പക്രു താരമായത്.
ഏറ്റവും ഉയരംകുറഞ്ഞ സിനിമാ നായകനെന്ന ഗിന്നസ് ബുക്ക് ഓഫ് വേള്‍ഡ് റെക്കോര്‍ഡ് സ്വന്തംപേരില്‍ സൂക്ഷിക്കുന്ന പക്രു യൂനിവേഴ്‌സല്‍ റെക്കോര്‍ഡ്‌സ് ഫോറം, ലിംക ബുക്ക് ഓഫ് റെക്കോര്‍ഡ്, ബെസ്റ്റ് ഓഫ് ഇന്ത്യ റെക്കോര്‍ഡ് ബുക്ക് എന്നിവിടങ്ങളിലും ഇടംപിടിച്ചു. എറണാകുളം പ്രസ്്ക്ലബില്‍ നടന്ന ചടങ്ങില്‍ ആറ് മാസം മുന്‍പ് ലഭിച്ച റെക്കോര്‍ഡ് സര്‍ട്ടിഫിക്കറ്റ് കലാമണ്ഡലം ഹേമലതയില്‍ നിന്ന് പക്രു ഏറ്റുവാങ്ങി.