മോണ്ടെ കാര്‍ലോ: ലോക ഒന്നാം നമ്പര്‍ താരം സ്‌പെയിനിന്റെ റാഫേല്‍ നദാല്‍ മോണ്ടെ കാര്‍ലോ മാസ്റ്റേഴ്‌സ് ടെന്നീസിന്റെ ഫൈനലിലേക്ക് മുന്നേറി. കരിയറില്‍ 12ാം തവണയാണ് നദാല്‍ ഇവിടെ കലാശപ്പോരിലേക്കെത്തുന്നത്. രണ്ടാം സെമിയില്‍ വിജയിച്ച് ജപ്പാന്‍ താരം കെയ് നിഷികോരിയും ഫൈനലിലേക്ക് കടന്നിട്ടുണ്ട്. നിഷികോരിയാണ് ഫൈനലില്‍ നദാലിന്റെ എതിരാളി.
സെമിയില്‍ ബള്‍ഗേറിയന്‍ താരം ഗ്രിഗറി ദിമിത്രോവിനെ അനായാസം വീഴ്ത്തിയാണ് നദാല്‍ ഫൈനലിലേക്കെത്തിയത്. സ്‌കോര്‍: 6-4, 6-1. ജര്‍മന്‍ താരം അലക്‌സാണ്ടര്‍ സ്വരേവിനെ പരാജയപ്പെടുത്തിയാണ് നിഷികോരിയുടെ മുന്നേറ്റം. ആദ്യ സെറ്റ് കൈവിട്ട ശേഷം രണ്ടും മൂന്നും സെറ്റുകളില്‍ വിജയിച്ചാണ് ജപ്പാന്‍ താരം വിജയിച്ചത്. സ്‌കോര്‍: 3-6, 6-3, 6-4.