മലപ്പുറം: ഇത്തവണത്തെ പരിസ്ഥിതി ദിനാചരണത്തിലെ വേറിട്ട കാഴ്ച സെല്‍ഫി തന്നെ. സമൂഹ മാധ്യമങ്ങളും സെല്‍ഫിയും സജീവമായ കാലത്തു പരിസ്ഥിതി ദിനാചരണത്തിനും സെല്‍ഫി മാര്‍ഗമാക്കിയിരിക്കുകയാണു ന്യൂജനറേഷന്‍. ഭൂമിയെ പച്ച പുതപ്പിക്കണമെന്ന ബോധവത്കരണത്തോടെയുള്ള ഫേസ്ബുക്ക് പോസ്റ്റുകള്‍ ദിവസങ്ങളായി സമൂഹ മാധ്യമങ്ങളില്‍ നിറഞ്ഞിരുന്നു. ഇതിനു പിന്നാലെയാണ് ഇന്നലെ യുവാക്കളുടെ നേതൃത്വത്തില്‍ കൂട്ടമായും അല്ലാതെയും മരം നടലും നടത്തിയത്. സ്വന്തമായി നട്ട മരത്തിന്റെ തൊട്ടടുത്തിരുന്ന് സെല്‍ഫി എടുത്ത് സമൂഹ മാധ്യമങ്ങളില്‍ പ്രചരിപ്പിക്കാനും ആളുകള്‍ മത്സരിച്ചു.