തിരൂരങ്ങാടി: രാജ്യത്ത് ദളിത് പിന്നോക്ക ന്യൂനപക്ഷ ചലനം അനിവാര്യമാണെന്ന് മുസ്‌ലിം ലീഗ് ദേശീയ ജനറല്‍ സെക്രട്ടറി പി.കെ കുഞ്ഞാലിക്കുട്ടി പറഞ്ഞു.
തിരൂരങ്ങാടി പി.എസ്.എം.ഒ കോളജ് ഓഡിറ്റോറിയത്തില്‍ ദലിത് ലീഗ് മലപ്പുറം ജില്ലാ കമ്മിറ്റി സംഘടിപ്പിച്ച കെ.പി രാമന്‍ മാസ്റ്റര്‍ അനുസ്മരണ സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. രാമന്‍ മാസ്റ്ററുടെ ജീവിത അധ്യായം ഏതൊരാള്‍ക്കും വലിയ ആവേശമുണ്ടാക്കുന്ന ഒന്നാണ്. പാര്‍ട്ടിക്ക് അഭിമാനമുണ്ടാക്കിയ നേതാവാണ് രാമന്‍മാസ്റ്ററെന്നും പി.കെ കുഞ്ഞാലിക്കുട്ടി പറഞ്ഞു.
ദലിത് ലീഗ് മലപ്പുറം ജില്ലാ പ്രസിഡന്റ് എം.വി മോഹന്‍ദാസ് അധ്യക്ഷനായി. പി.കെ അബ്ദുറബ്ബ് എം.എല്‍.എ, അഡ്വ.കെ.എന്‍.എ ഖാദര്‍ എം.എല്‍.എ, മുസ്‌ലിം ലീഗ് സംസ്ഥാന സെക്രട്ടറി അഡ്വ. പി.എം.എ സലാം, ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍, സൗദി നാഷനല്‍ കമ്മിറ്റി പ്രസിഡന്റ് കെ.പി മുഹമ്മദ് കുട്ടി, പി.എസ്.എച്ച് തങ്ങള്‍, സി.എച്ച് മഹ്മൂദ് ഹാജി, കുട്ടി മൗലവി പറപ്പൂര്‍, സി.കെ.എ റസാഖ്, എം മുഹമ്മദ് കുട്ടി മുന്‍ഷി എ.കെ മുസ്തഫ, കെ.കെ ഹംസ, പി.സി രാജന്‍, ഇ.പി ബാബു, സി.പി ശശീധരന്‍, പ്രകാശന്‍ മൂച്ചിക്കല്‍, സുബ്രമണ്യന്‍ പാലത്തിങ്ങല്‍, ബാബുരാജ്, വേലായുധന്‍ മഞ്ചേരി, കെ പത്മാവതി കോട്ടക്കല്‍, ശ്രീദേവി പ്ലാക്കുന്ന് സംസാരിച്ചു.