കൊച്ചി: വരാപ്പുഴ കസ്റ്റഡി മരണത്തില്‍ എ.എസ്.ഐയെ ചോദ്യം ചെയ്തു തുടങ്ങി, സി.ഐയെ കൂടി ചോദ്യം ചെയ്യും. ഐ.ജി ശ്രീജിത്തിന്റെ നേതൃത്വത്തിലുള്ള പ്രത്യേക അന്വേഷണ സംഘമാണ് എ.എസ്.ഐയെ ചോദ്യം ചെയ്യുന്നത്. വീടാക്രമണ കേസിലെ പ്രതികളെ സി.ഐ കണ്ടിട്ടുപോലുമില്ലെന്നാണ് അന്വേഷണ സംഘത്തിന്റെ നിഗമനം. അറസ്റ്റ് ചെയ്ത് സ്‌റ്റേഷനിലെത്തിച്ച പ്രതികളോട് കൈക്കൊള്ളേണ്ട നടപടി ക്രമങ്ങളില്‍ സി.ഐയുടെ ഭാഗത്തു നിന്ന് വന്‍ വീഴ്ച്ച സംഭവിച്ചതായും ക്രൈംബ്രാഞ്ച് കണ്ടെത്തിയിട്ടുണ്ട്. കേസില്‍ അറസ്റ്റിലായ മൂന്ന് ആര്‍.ടി.എഫ് പൊലിസ് ഉദ്യോഗസ്ഥരും വരാപ്പുഴ എസ്.ഐയും റിമാന്റിലാണ്. ശ്രീജിത്തിന്റെ മരണത്തില്‍ അന്വേഷണ സംഘത്തിന് വിദഗ്ധ ഉപദേശം നല്‍കാന്‍ രൂപീകരിച്ച മെഡിക്കല്‍ ബോര്‍ഡ് ഇന്ന് വൈകീട്ടോടെ റിപ്പോര്‍ട്ട് സമര്‍പ്പിച്ചേയ്ക്കും.