മലപ്പുറം: വിശുദ്ധ ദിനരാത്രങ്ങളെ വ്രതം കൊണ്ടും ആരാധനകളാലും ജീവകാരുണ്യ  പ്രവര്‍ത്തനങ്ങളിലൂടെയും സജീവമാക്കണമെന്ന സന്ദേശം നല്‍കി റമദാന്‍ കാമ്പയിന് തുടക്കമായി. സഹനം, സമരം, സമര്‍പ്പണം എന്ന  പ്രമേയവുമായി എസ്.വൈ.എസ്-എസ്.കെ.എസ്.എസ്.എഫ് ജില്ലാ കമ്മിറ്റികള്‍  സംയുക്തമായി നല്‍കുന്ന കാമ്പയിന്റെ ഉദ്ഘാടനം സയ്യിദ് സാബിഖലി ശിഹാബ്  തങ്ങള്‍ നിര്‍വഹിച്ചു.
പരിസ്ഥിതി ദിനാചരണത്തിന്റെ ഉദ്ഘാടനം തൈ  വിതരണം നടത്തി സയ്യിദ് ആബിദ് ഹുസൈന്‍ തങ്ങള്‍ എം.എല്‍.എയും  കുവൈത്ത് ഇസ്‌ലാമിക് സെന്റര്‍ നടത്തുന്ന റമദാന്‍ റിലീഫ് കിറ്റിന്റെ  വിതരണോദ്ഘാടനം സയ്യിദ് കെ.കെ.എസ് തങ്ങളും നിര്‍വഹിച്ചു. ഹാജി കെ  മമ്മദ് ഫൈസി അധ്യക്ഷനായി. ഹസന്‍ സഖാഫി പൂക്കോട്ടൂര്‍ പി.പി മുഹമ്മദ് ഫൈസി  അനുസ്മരണം നടത്തി. ''സഹനം, സമരം, സമര്‍പ്പണം'' സൈതു മുഹമ്മദ്  നിസാമിയും ''പരിസ്ഥിതി ദിനം വിശ്വാസിയുടെ പങ്ക്'' അഹ്മദ് ഫൈസി  കക്കാടും അവതരിപ്പിച്ചു.
അബ്ദുസ്സമദ് പൂക്കോട്ടൂര്‍ ആമുഖ പ്രഭാഷണം നടത്തി.   ടി.പി ഇപ്പ മുസ്‌ലിയാര്‍, ബി.എസ്.കെ തങ്ങള്‍ എടവണ്ണപ്പാറ, സലീം എടക്കര,  അബ്ദുല്‍ ഖാദിര്‍ ഫൈസി കുന്നുംപുറം, കാളാവ് സൈതലവി മുസ്‌ലിയാര്‍, ഹംസ  റഹ്മാനി കൊണ്ടിപ്പറമ്പ്, ആനമങ്ങാട് മുഹമ്മദ് കുട്ടി ഫൈസി, സി.എം കുട്ടി  സഖാഫി, ഷാഹുല്‍ ഹമീദ് മാസ്റ്റര്‍, സഹീര്‍ അന്‍വരി പുറങ്ങ്, ജലീല്‍ മാസ്റ്റര്‍  പട്ടര്‍കുളം, ശമീര്‍ ഫൈസി ഒടമല,  കെ.പി ചെറീത് ഹാജി, എ.കെ ആലിപ്പറമ്പ്  പ്രസംഗിച്ചു.