ഇരിട്ടി: ആദര്‍ശനിഷ്ഠയാണ് സമസ്തയുടെ സമ്പൂര്‍ണതയെന്നും ശതാബ്ദി പൂര്‍ത്തിയാക്കാനിരിക്കുന്ന സമസ്ത മറ്റ് സംഘടനകളില്‍നിന്ന് വേറിട്ട് നില്‍ക്കുന്നത് ഈ സവിശേഷത കൊണ്ടാണെന്നും സമസ്ത ജില്ലാ സെക്രട്ടറി കെ.ടി അബ്ദുല്ല മൗലവി പറഞ്ഞു. എസ്.കെ.എസ്.എസ്.എഫ് ഇരിട്ടി മേഖലാ കമ്മിറ്റി ഇരിട്ടിയില്‍ സംഘടിപ്പിച്ച ആദര്‍ശ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. സമസ്ത മുന്നോട്ടുവച്ച ആശയങ്ങളും കൈക്കൊണ്ട നിലപാടുകളും ഇതുവരെ മാറ്റേണ്ടി വന്നിട്ടില്ലെന്നത് സമസ്ത ദൈവിക പാതയിലാണെന്നതിന് മികച്ച ഉദാഹരണമാണെന്നും അദ്ദേഹം പറഞ്ഞു. സക്കരിയ അസ്അദി വിളക്കോട് അധ്യക്ഷനായി. അലവി ദാരിമി കുഴിമണ്ണ, സലിം ഫൈസി ഇര്‍ഫാനി, അബ്ദുല്‍ റഷീദ്, ജാഫര്‍ സ്വാദിഖ് ഫൈസി, അബ്ദുല്‍ ഹമീദ് ദാരിമി, മുഹമ്മദ് ഇര്‍ഫാനി, സജീര്‍ മൗലവി, സയ്യിദ് മുരിങ്ങോടി, ശൗക്കത്തലി മൗലവി, ഇബ്രാഹിം മുണ്ടേരി, മായിന്‍ മൗലവി, ഉമര്‍ മുക്താര്‍ ഹുദവി സംസാരിച്ചു.