ഹൈദരാബാദ്: ഐ.പി.എല്ലില്‍ തങ്ങളുടെ അഞ്ചാം മത്സരത്തിനിറങ്ങുന്ന ചെന്നൈ ഹൈദരബാദിനെതിരേ മൂന്നു വിക്ക് നഷ്ടത്തില്‍ 182 റണ്‍സ് നേടി. ഓപ്പണര്‍മാരായ ഷെയ്ന്‍ വാട്‌സണും (9), ഡുപ്ലസിസും (11) നിറം മങ്ങിയപ്പോള്‍ അതിനുള്ള അവസരം ലഭിച്ചത് സുരേഷ് റെയ്‌നക്കും അമ്പാട്ടി റായിഡുവിനുമാണ്. രണ്ടു പേരും അര്‍ധസെഞ്ച്വറി നേടി മത്സരത്തില്‍ ഇരുവരും മൂന്നാം വിക്കറ്റില്‍ 112 റണ്‍സിന്റെ സെഞ്ച്വറി കൂട്ടുക്കെട്ടാണ് സ്വന്തമാക്കിയത്. റായിഡുവും (79) റെയ്‌നയും (53) അര്‍ധസെഞ്ച്വറികള്‍ കരസ്ഥമാക്കി.

വിക്കറ്റുകള്‍ക്കിടയിലുള്ള ഓട്ടത്തില്‍ റായിഡുവിന്റെ വിക്കറ്റ് നഷ്ടപ്പെട്ടില്ലെങ്കില്‍ റായിഡു മത്സരത്തില്‍ സെഞ്ച്വറി നേടുമായിരുന്നു. റെയ്‌നയും റായിഡുവും അര്‍ധസെഞ്ച്വറി നേടിയപ്പോള്‍ അതിനല്‍ അപകടകാരി റായിഡുവായിരുന്നു. 37 പന്തില്‍ നിന്നും ഒമ്പത് ഫോറുകളുടെയും നാലു സിക്‌സറുകളുടെയും അകമ്പടിയിലാണ് റായിഡു 79 റണ്‍സ് നേടിയത്. പിന്നീടു വന്ന നായകന്‍ ധോണി 12 പന്തില്‍ 25 റണ്‍സ് നേടി.

ഹൈദരബാദിനു വേണ്ടി ഭുവനേശ് കുമാറും റാഷിദ് ഖാനും ഓരോ വിക്കറ്റ് വീതം നേടി.