തൃക്കരിപ്പൂര്‍: മൂന്നു ദിവസങ്ങളിലായി നടന്ന ലൈറ്റ് ഓഫ് മദീന മത രാഷ്ട്രീയ സാമൂഹിക രംഗത്തെ പ്രമുഖര്‍ സന്ദര്‍ശിച്ചു. സമസ്ത പ്രസിഡന്റ് സയ്യിദ് ജിഫ്രി മുത്തുക്കോയ തങ്ങള്‍, സമസ്ത ജന. സെക്രട്ടറി കെ. ആലിക്കുട്ടി മുസ്‌ലിയാര്‍, പാണക്കാട് സയ്യിദ് സാദിഖലി ശിഹാബ് തങ്ങള്‍, സയ്യിദ് മുഹമ്മദ് കോയ തങ്ങള്‍ ജമലുല്ലൈലി, കേന്ദ്ര മുശാവറ അംഗങ്ങളായ പി.കെ.പി അബ്ദുസ്സലാം മുസ്‌ലിയാര്‍, ഡോ. ബഹാഉദ്ദീന്‍ മുഹമ്മദ് നദ്‌വി, ത്വാഖാ അഹ്മദ് മൗലവി, യു.എം അബ്ദുറഹ്മാന്‍ മുസ്‌ലിയാര്‍, വാക്കോട് മുഹ്‌യിദ്ദീന്‍ കുട്ടി മുസ്‌ലിയാര്‍, ഹൈദ്രോസ് മുസ്‌ലിയാര്‍ ചെറുവാളൂര്‍, മുക്കം ഉമര്‍ ഫൈസി എന്നിവരും എ.ജി.സി ബശീര്‍, എം.സി ഖമറുദ്ദീന്‍ തുടങ്ങിയവരും പങ്കെടുത്തു.
തീം ഡയലോഗില്‍, ഡോ. സുബൈര്‍ ഹുദവി ചേകനൂര്‍, ഡോ. സാലിം ഫൈസി കൊളത്തൂര്‍, ഹംസ റഹ്മാനി കൊണ്ടിപറമ്പ്, നാസര്‍ ഫൈസി കൂടത്തായി, സത്താര്‍ പന്തല്ലൂര്‍, കെ.എ റഹ്മാന്‍ ഫൈസി, ആനമങ്ങാട് മുഹമ്മദ് കുട്ടി ഫൈസി തുടങ്ങിയവര്‍ സംസാരിച്ചു.
നീലഗിരി, കൊടക്, ബംഗളൂരു, ബംഗാള്‍ തുടങ്ങി കേരളത്തിന് പുറത്ത് നിന്നുള്ള പ്രത്യേക പ്രതിനിധികളും പങ്കെടുത്തു. നിറഞ്ഞ മനസോടെ അതിലേറെ പാഠങ്ങള്‍ ഉള്‍ക്കൊണ്ട് മഹല്ലുകളില്‍ പുതിയ പ്രവര്‍ത്തനങ്ങള്‍ക്ക് കര്‍മരേഖ ഒരുക്കി മഹല്ല് ഭാരവാഹികള്‍ സംതൃപ്തിയോടെ മടങ്ങി. മഹല്ലിന്റെ ഭാവിയിലേക്കുള്ള ഊര്‍ജം ഒരുക്കി അവര്‍ പിരിയുമ്പോള്‍, ഒരുവര്‍ഷം ഈ മഹല്ലുകളെ നിരന്തര ഓര്‍മപ്പെടുത്തലുകള്‍ നടത്തി എസ്.എം.എഫ് കമ്മിറ്റി ലൈറ്റ് ഓഫ് മദീനയുടെ തുടര്‍പ്രവര്‍ത്തനങ്ങള്‍ക്ക് പദ്ധതി ഒരുക്കുകയാണ്.