കൊണ്ടോട്ടി: ഇന്ത്യന്‍ ഹജ്ജ് വളന്റിയര്‍മാര്‍ക്കുളള പരിശീലനം മുബൈയില്‍ പൂര്‍ത്തിയായി. കേരളത്തില്‍നിന്നടക്കം വിവിധ സംസ്ഥാനങ്ങളില്‍ നിന്നായി 13 വനിതകള്‍ ഉള്‍പ്പടെ 625 പേരാണ് ഇന്നലെ പരിശീലനത്തില്‍ പങ്കെടുത്തത്. കേന്ദ്ര മന്ത്രി മുഖ്താര്‍ അബ്ബാസ് നഖ്‌വി ഉദ്ഘാടനം ചെയ്തു.
ഹജ്ജ് കമ്മിറ്റി ചെയര്‍മാന്‍ ചൗധരി മെഹബൂബ് അലി കൈസര്‍ അധ്യക്ഷനായി. സഉദി അറേബ്യയിലെ ഇന്ത്യന്‍ കോണ്‍സുല്‍ ജനറല്‍ നൂര്‍ റഹ്മാന്‍ ഷേഖ്, ഹജ്ജ് കമ്മിറ്റി സി.ഇ.ഒ മഖ്‌സൂദ് അഹ്മദ് ഖാന്‍, മുന്‍ ഹജ്ജ് കോഡിനേറ്റര്‍ മുജീബ് പുത്തലത്ത് എന്നിവര്‍ ക്ലാസെടുത്തു. കേരളത്തില്‍നിന്ന് രണ്ട് വനിതകള്‍ ഉള്‍പ്പടെ അറുപത് പേരാണ് ക്ലാസ്സില്‍ പങ്കെടുത്തു. സംസ്ഥാന ഹജ്ജ് കമ്മറ്റി കോഡിനേറ്റര്‍ എം. ഷാജഹാനും സംബന്ധിച്ചു.