തിരുവനന്തപുരം: കേരള കബഡി ടീം പരിശീലകന്‍ ജെ ഉദയകുമാറിനെ അന്വേഷണ വിധേയമായി സസ്‌പെന്‍ഡ് ചെയ്തു. കേരള സ്‌പോര്‍ട്‌സ് കൗണ്‍സിലാണ് കോച്ചിനെതിരേ നടപടി എടുത്തത്.
കോച്ചിനെതിരേ നിരവധി ആരോപണങ്ങള്‍ ഉയരുകയും പരാതി ലഭിക്കുകയും ചെയ്തതിന്റെ അടിസ്ഥാനത്തിലാണ് നടപടിയെന്ന് കൗണ്‍സില്‍ വ്യക്തമാക്കി. ഉദയകുമാറിനെതിരേ ലൈംഗിക ആരോപണങ്ങളടക്കമുള്ളവ താരങ്ങള്‍ ഉന്നയിച്ചിരുന്നു. ട്രെയിന്‍ യാത്രയ്ക്കിടെ പരിചയപ്പെട്ട യുവതിക്ക് സംസ്ഥാന ടീമില്‍ ഇടം നല്‍കിയതായും ഉദയകുമാറിനെതിരേ പരാതിയുണ്ടായിരുന്നു.