കോട്ടയം: കോട്ടയം കലക്ടറേറ്റിന് സമീപം വന്‍ തീപിടുത്തം. മൂന്നുനില കെട്ടിടത്തിന്റെ ഒരുനില പൂര്‍ണമായും കത്തിനശിച്ചു. ഇന്ന് പുലര്‍ച്ചെയായിരുന്നു തീപിടുത്തം. അഗ്നിശമനശേന തീയണക്കാനുള്ള ശ്രമം തുടരുകയാണ്.

കണ്ടത്തില്‍ റെസിഡന്‍സ് എന്ന കെട്ടിടത്തിന്റെ സൂപ്പര്‍മാര്‍ക്കറ്റും തുണിക്കടകളും ലോഡ്ജുമുള്ള താഴെ നിലയാണ് കത്തിയത്. തുണിക്കടയുള്ളതിനാല്‍ തീ അതിവേഗം പടരുകയായിരുന്നു. തീപിടിക്കാനുണ്ടായ സാഹചര്യം വ്യക്തമല്ല. ആര്‍ക്കും പരുക്കില്ലെങ്കിലും ഇതുവരെയും തീ പൂര്‍ണമായും നിയത്രണവിധേയമാക്കാന്‍ സാധിച്ചിട്ടില്ല.