തൃശൂര്‍: പൂരം വെടിക്കെട്ട് അടുത്തു നിന്നുകാണാന്‍ പൊലിസ് വിലക്ക്. മാനത്തു പൊട്ടുന്നതു കാണാന്‍ മാത്രമാണ് അനുമതി. വെടിക്കെട്ടു നടക്കുന്ന രാഗം തിയേറ്റര്‍ മുതല്‍ നായ്ക്കനാല്‍ വരെ ആരെയും നില്‍ക്കാന്‍ അനുവദിക്കില്ലെന്നാണ് പൊലിസ് വ്യക്തമാക്കിയിരിക്കുന്നത്. ആദ്യമായാണ് ഇത്തരമൊരു നടപടി. ഡി.ജി.പി ആവശ്യപ്പെട്ടതിനെ തുടര്‍ന്നാണിതെന്നും ഇനി ചര്‍ച്ചയില്ലെന്നും പൊലിസ് ദേവസ്വം ഭാരവാഹികളെ അറിയിച്ചു.

ഇതോടെ ഇന്നു നടക്കുന്ന സാംപിളും 26നു വെളിപ്പിനു നടക്കുന്ന വെടിക്കെട്ടും കാണാന്‍ അവസരമില്ലാതായി. മുകളില്‍ പോയി പൊട്ടുന്നത് ദൂരെ നിന്ന് കാണാമെന്നു മാത്രം.