തിരുവനന്തപുരം: സംസ്ഥാനത്ത് ഇന്ന് മുതല്‍ പ്രഖ്യാപിച്ചിരുന്ന നഴ്‌സുമാരുടെ സമരം പിന്‍വലിച്ചു. നഴ്‌സുമാരുടെ ലോങ് മാര്‍ച്ചും ഉപേക്ഷിച്ചു.ശമ്പള പരിഷ്‌കരിച്ചുകൊണ്ടുള്ള ഉത്തരവ് പുറത്തിറങ്ങിയത് പരിഗണിച്ചാണ് സമരത്തില്‍ നിന്ന് പിന്‍മാറ്റം .എന്നാല്‍ അലവന്‍സ് കുറച്ചതിനെതിരേ നടപടി സ്വീകരിക്കുമെന്ന് നഴ്‌സുമാരുടെ സംഘടന അറിയിച്ചിട്ടുണ്ട്.

ഇന്നലെ വൈകുന്നേരം തന്നെ പുതിയ ശമ്പളം നിശ്ചയിച്ചുകൊണ്ടുള്ള ഉത്തരവ് പുറത്തിറക്കിയിരുന്നു.
എന്നാല്‍ മിനിമം വേതനവുമായി ബന്ധപ്പെട്ട കരട് വിജ്ഞാപനം കൈയില്‍ കിട്ടുന്നത് വരെ സമരം തുടരുമെന്ന് യുനൈറ്റഡ് നഴ്‌സസ് അറിയിച്ചിരുന്നത്. ഇന്ന് മുതല്‍ എല്ലവരും ഡ്യൂട്ടിയില്‍ കയറുമെന്ന് സംഘടന അറിയിച്ചു