കക്കട്ടില്‍: .എസ്.എല്‍.സി. പരീക്ഷയുടെ മൂല്യനിര്‍ണയ ക്യാംപ് സംസ്ഥാനത്തെ 54 കേന്ദ്രങ്ങളില്‍ ഇന്നലെ പൂര്‍ത്തിയായി.
ഐ.ടി.ഒഴികെയുള്ള ഒന്‍പത് വിഷയങ്ങളുടെ മൂല്യനിര്‍ണയമാണ് 4 മേഖലകളായി തിരിച്ച് നടത്തിയത്. കൊല്ലത്ത് അഞ്ച് കേന്ദ്രങ്ങളും തിരുവനന്തപുരം, കോഴിക്കോട് എന്നിവിടങ്ങളില്‍ മൂന്നും വയനാട് , തൊടുപുഴ, കടുത്തുരുത്തി, കാഞ്ഞിരപ്പള്ളി, പാല ,തിരുവല്ല ,ചേര്‍ത്തല, കോട്ടയം, ഒറ്റപ്പാലം, തലശ്ശേരി എന്നിവിടങ്ങളില്‍ ഓരോ കേന്ദ്രങ്ങളും, എറണാകുളം, ആലുവ, ഇരിങ്ങാലക്കുട, തൃശൂര്‍, പാലക്കാട്, മണ്ണാര്‍ക്കാട്, കാഞ്ഞങ്ങാട്, തളിപ്പറമ്പ് എന്നിവിടങ്ങളില്‍ രണ്ടു ക്യാംപുകള്‍ വീതവുമായിരുന്നു ഉണ്ടായിരുന്നത്. പൊതുവെ വിദ്യാര്‍ഥികളെ ബുദ്ധിമുട്ടിക്കാതെയായിരുന്നു ഇത്തവണത്തെ പരീക്ഷകള്‍.
ഓരോ കേന്ദ്രങ്ങളില്‍ നിന്നും അതാതു ദിവസങ്ങളില്‍ തന്നെ മാര്‍ക്ക് അപ്‌ലോഡ് ചെയ്യാനുള്ള സംവിധാനങ്ങളും കേന്ദ്രങ്ങളില്‍ ഒരുക്കിയതിനാല്‍ ഒരാഴ്ചയ്ക്കകം ഫലം പ്രസിദ്ധീകരിക്കാനാവുമെന്ന പ്രതീക്ഷയിലാണ് പരീക്ഷാഭവന്‍.
നാല് ലക്ഷത്തി നാല്‍പ്പത്തി ഒന്നായിരത്തി ഒരു നൂറ്റി മൂന്ന് വിദ്യാര്‍ഥികളാണ് ഇത്തവണ പരീക്ഷ എഴുതിയത്.