ചണ്ഡീഗഡ്: ഹരിയാനയില്‍ 13കാരി കൂട്ട ബലാത്സംഗത്തിനിരയായി. സഹോദരങ്ങള്‍ക്കൊപ്പം ഉറങ്ങിക്കിടക്കുകയായിരുന്ന കുട്ടിയെ നാലുപേര്‍ ചേര്‍ന്ന് തട്ടിക്കൊണ്ടു പോകുകയായിരുന്നു. ഹരിയാനയിലെ യമുനാ നഗറില്‍ ഒരു ക്ഷേത്രത്തിന് സമീപം ഞായറാഴ്ച രാത്രിയാണ് സംഭവം. ക്ഷേത്രത്തിന് സമീപമുള്ള ആളൊഴിഞ്ഞ പ്രദേശത്ത് വച്ചാണ് കുട്ടിയെ ബലാത്സംഗം ചെയ്തത്. അയല്‍വാസികളാണ് ബോധരഹിതയായ നിലയില്‍ കുട്ടിയെ കണ്ടെത്തുന്നത്. കുട്ടിയുടെ മാതാപിതാക്കള്‍ വീട്ടിലുണ്ടായിരുന്നില്ല. കേസ് രജിസ്റ്റര്‍ ചെയ്ത് അന്വേഷണം ആരംഭിച്ചതായി യമുനാ നഗര്‍ പൊലിസ് പറഞ്ഞു. പ്രതികള്‍ക്കായുള്ള അന്വേഷണം ഊര്‍ജിതമാക്കിയിട്ടുണ്ട്. ഉത്തര്‍പ്രദേശില്‍ വിവിധ സംഭവങ്ങളിലായി ഒരു ദിവസം നാലു പീഡനക്കേസുകള്‍ റിപ്പോര്‍ട്ട് ചെയ്തതിനു തൊട്ടു പിന്നാലെയാണ് ഹരിയാനയില്‍ കൂട്ട ബലാത്സംഗം.