കൊപ്പം: ലോകപരിസ്ഥിതി ദിന പ്രവര്‍ത്തനത്തില്‍ പങ്കാളിയായി മുസ്‌ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് ഹൈദരലി ശിഹാബ് തങ്ങളും.
ഇന്നലെ രാവിലെ കൊപ്പത്ത് സ്വകാര്യ ചടങ്ങില്‍ പങ്കെടുക്കാനെത്തിയ തങ്ങളാണ് കേരള വ്യാപാരി വ്യവസായി ഏകോപനസമിതി യൂത്ത്‌വിങ് കൊപ്പം യൂനിറ്റ് പ്രവര്‍ത്തകരുടെ പരിസ്ഥിതി പ്രവര്‍ത്തനത്തില്‍ പങ്ക് ചേര്‍ന്നത്. യൂനിറ്റ് പ്രവര്‍ത്തകര്‍ ഹൈദരലി തങ്ങള്‍ക്ക് മരത്തൈ കൈമാറി. ഇരുനൂറോളം തൈകളാണ് യൂത്ത്‌വിങ് പ്രവര്‍ത്തകര്‍ വിതരണം ചെയ്തത്. നിരവധി തൈകള്‍ നടുകയും ചെയ്തു. കെ റിഷാദ്, ടി അഫ്‌സല്‍, എ.കെ.എം ഹനീഫ, എം.ടി അസ്‌ലം നേതൃത്വം നല്‍കി. വ്യാപാരി വ്യവസായി ഏകോപനസമിതി കൊപ്പം യൂനിറ്റ് പ്രസിഡന്റ് വി ഇബ്രാഹിംകുട്ടി തൈവിതരണം ഉദ്ഘാടനം ചെയ്തു. ഷറീഫ് പുലാക്കല്‍, ടി കുഞ്ഞാപ്പ ഹാജി പ്രസംഗിച്ചു.