മുന്‍നിര സ്മാര്‍ട്‌ഫോണ്‍ വിതരണ കമ്പനിയായ ഷവോമിയുടെ ഏറ്റവും പുതിയ സ്മാര്‍ട്‌ഫോണ്‍ എം.ഐ 6 എക്‌സ് പുറത്തിറക്കി. ചൈനയിലാണ് പുതിയ ഹാന്‍ഡ്‌സെറ്റ് അവതരിപ്പിച്ചിരിക്കുന്നത്.

മിതമായ നിരക്കും ഉയര്‍ന്ന ഗുണമേന്‍മയുമാണ് ഷവോമിയെ ജനപ്രിയമാക്കിയത്.

5.99 ഇഞ്ച് ഫുള്‍ എച്ച്ഡി ഡിസ്‌പ്ലേ, 2910 എംഎഎച്ച് ബാറ്ററി, സ്‌നാപ് ഡ്രാഗണ്‍ 626, മൈക്രോ എസ്ഡി സ്ലോട്ട്, ഹൈബ്രിഡ് സിം കാര്‍ഡ് സ്ലോട്ട്, 20 എംപി 8 എംപി ഡ്യുവല്‍ ക്യാമറ, 20 എംപി സെല്‍ഫി കാമറ എന്നിവയാണ് എംഐ 6 എക്‌സിന്റെ പ്രധാന സവിശേഷതകള്‍.

എംഐ എവണില്‍ ഉപയോഗിച്ച അതേ ബാറ്ററിയാണ് ഈ സ്മാര്‍ട്‌ഫോണിനും ഷവോമി നല്‍കിയിരിക്കുന്നത്.

ആന്‍ഡ്രോയ്ഡ് ഓറിയോയില്‍ അധിഷ്ഠിതമായ എംഐയുഐ ഇന്റര്‍ഫേസിലാണ് എംഐ 6 എക്‌സ് പ്രവര്‍ത്തിക്കുന്നത്.

മൂന്ന് വേരിയന്റുകളിലാണ് എം.ഐ 6 എക്‌സ് പുറത്തിറങ്ങിയിരിക്കുന്നത്. 4 ജി.ബി റാം 32 ജി.ബി സ്റ്റോറേജ് മോഡലിന് ഏകദേശം 16900 രൂപയാണ് വില. 4 ജി.ബി റാം 64 ജി.ബി മോഡലിന് 19,000 രൂപയും 6 ജി.ബി റാം 128 ജി.ബി ഇന്റേണല്‍ സ്‌റ്റോറേജിന് 21000 രൂപയുമാണ് വില.