വാടാനപ്പള്ളി: കുട്ടി കര്‍ഷകന്‍ മുഹമ്മദ് മുസമ്മിലിന് മുന്‍ ഹരിത എം.എല്‍.എ ടി.എന്‍ പ്രതാപന്റെ അനുമോദനം. തളിക്കുളം കൈതക്കല്‍ എസ്.എന്‍.കെ.എല്‍.പി സ്‌കൂളിലെ മൂന്നാം ക്ലാസ് വിദ്യാര്‍ഥി മുഹമ്മദ് മുസമ്മിലാണ് വീട്ടില്‍ ജൈവ കൃഷിയിലൂടെ കോവക്ക വിളയിച്ചത്.
വിളയിച്ച കോവക്ക തന്റെ സ്‌കൂളിലെ കുട്ടികള്‍ക്ക് ഉച്ചഭക്ഷണത്തിനായി നല്‍കുകയും ചെയ്തു.
 ലോക പരിസ്ഥിതി ദിനമായ ഇന്നലെ രാവിലെയാണ് മുസമ്മിലിനെ അനുമോദിക്കാന്‍ ടി.എന്‍ പ്രതാപന്‍ എത്തിയത്. മുസമ്മിലിനു മഹാഗണി തൈ നല്‍കി.  ഗ്രാമപഞ്ചായത്തംഗങ്ങളുമുണ്ടായിരുന്നു.