തിരുവനന്തപുരം: ശബ്ദമലിനീകരണത്തിലെ ആരോഗ്യപ്രശ്‌നങ്ങള്‍ ഉയര്‍ത്തിപ്പിടിച്ച് കേരള സര്‍ക്കാര്‍ ആചരിക്കുന്ന നോ ഹോണ്‍ ഡേയുടെ പൊതുസമ്മേളനം ഇന്ന് വി.ജെ.ടി ഹാളില്‍ നടക്കും.
വൈകിട്ട് ആറിന് മന്ത്രി എ.കെ ശശീന്ദ്രന്‍ ഉദ്ഘാടനം ചെയ്യും. ഇന്ന് ഹോണ്‍ മുഴക്കാത്ത ദിനമായി സര്‍ക്കാര്‍ നേരത്തെ പ്രഖ്യാപിച്ചിരുന്നു. ഇതിന്റെ ഭാഗമായി നിരവധി ബോധവല്‍ക്കരണ കാംപയിനുകള്‍ മോട്ടോര്‍ വാഹന വകുപ്പ്, കേരള പൊലിസ്, ഐ.എം.എ എന്നിവയുടെ നേതൃത്വത്തില്‍ സംഘടിപ്പിക്കുന്നുണ്ട്.