തിരൂര്‍: ഇരുവൃക്കകളും തകരാറിലായി ചികിത്സാ സഹായം തേടുന്ന തിരൂര്‍ തെക്കുംമുറി സ്വദേശി സുനിലിന്റെ ചികിത്സാക്കായി പണം കണ്ടെത്താന്‍ നാട്ടുകാര്‍ സഹായനിധി രൂപീകരിച്ച് പ്രവര്‍ത്തനം നടത്തുന്നതിനിടെയാണ് ഓട്ടോ ഡ്രൈവറായ അജയകുമാറും തന്നാലാവുന്നത് ചെയ്യാന്‍ മുന്നിട്ടിറങ്ങിയിരിക്കുന്നത്.
22 വര്‍ഷമായി ഓട്ടോ ഡ്രൈവറായി ജോലി ചെയ്യുന്ന അജയകുമാര്‍ തന്റെ ഒരു ദിവസത്തെ വരുമാനം സുനിലിന്റെ ചികിത്സാ ചെലവിലേക്ക് നല്‍കാനായാണ് ബുധനാഴ്ച ഓട്ടോയുമായി നിരത്തിലിറങ്ങിയത്. ഭാര്യ ഗീതയ്‌ക്കൊപ്പം നിറമരുതൂരിലെ വാടക ക്വാര്‍ട്ടേഴ്‌സില്‍ താമസിക്കുന്ന അജയകുമാര്‍ തെക്കുംമുറി സ്വദേശിയായ അഷ്‌റഫിന്റെ ഓട്ടോ ഓടിച്ചാണ് വര്‍ഷങ്ങളായി ജീവിതം പുലര്‍ത്തുന്നത്.
അസുഖ ബാധിതര്‍ക്ക് പലപ്പോഴും താങ്ങായിട്ടുണ്ട് ഇദ്ദേഹം.