മലപ്പുറം: കുടുംബശ്രീ ജില്ലാ മിഷന്‍ നടത്തുന്ന 'അരങ്ങ് 2018' കലോത്സവത്തില്‍ അരീക്കോട് ബ്ലോക്ക് 113 പോയിന്റോടെ മുന്നിലെത്തി. 101 പോയിന്റ് നേടിയ പെരിന്തല്‍മണ്ണ രണ്ടാം സ്ഥാനവും 65 പോയിന്റുമായി നിലമ്പൂര്‍ മൂന്നാം സ്ഥാനവും നേടി.
കലോത്സവത്തിന്റെ അവസാന ദിവസം ജനപങ്കാളിത്തത്താലും മത്സരാര്‍ഥികളുടെ പ്രകടനത്താലും ശ്രദ്ധേയമായി. എടപ്പാളില്‍ നടക്കുന്ന സംസ്ഥാന കലോത്സവത്തിനായി കാത്തിരിക്കുകയാണ് മലപ്പുറം കുടുംബശ്രീ ജില്ലാ കലോത്സവത്തിലെ വിജയികള്‍.