കണ്ണൂര്‍: മന്ത്രി രാമചന്ദ്രന്‍ കടന്നപ്പള്ളി മുഖാന്തിരം നല്‍കിയ കണ്ണൂര്‍ കോര്‍പ്പറേഷന്‍ എടച്ചൊവ്വ ഡിവിഷന്‍-എടച്ചൊവ്വ യു.പി സ്‌കൂള്‍ കനാല്‍ ലിങ്ക് റോഡ് ടാറിങ് പ്രവൃത്തിക്ക് 6,71,492 രൂപയുടെ ഭരണാമുനമതി ലഭിച്ചു.
കണ്ണൂര്‍ കോര്‍പ്പറേഷന്‍ പള്ളിപ്രം ഡിവിഷന്‍ കടാങ്കോട് ക്രഷര്‍-മുനമ്പത്ത് റോഡ് ടാറിങ് പ്രവൃത്തിക്ക് അഞ്ച് ലക്ഷം രൂപയുടെ ഭരണാനുമതിയും ലഭിച്ചു. കണ്ണൂര്‍ നിയോജക മണ്ഡലം എം.എല്‍.എ കൂടിയായ മന്ത്രി രാമചന്ദ്രന്‍ കടന്നപ്പള്ളിയുടെ പ്രത്യേക വികസന നിധിയില്‍ നിന്നുമാട് തുക അനുവദിച്ചത്.
രണ്ട് ലക്ഷം രൂപ വിനിയോഗിച്ച് തോട്ടട ഡിവിഷനിലെ തോട്ടട ഹൈവേ നാഷനല്‍ ക്ലബ് റോഡ് ഇന്റര്‍ലോക്ക് ചെയ്യുന്നതിനും അഞ്ച് ലക്ഷം രൂപ വിനിയോഗിച്ച് കുറുവടലായി ഡിവിഷനിലെ കണ്ണമ്പേത്ത് സഫിയ ബട്ട്പാറ വാട്ടര്‍ ടാങ്ക് റോഡ് ടാര്‍ ചെയ്യുന്നതിനും 6,71,492 രൂപ വിനിയോഗിച്ച് എടച്ചൊവ്വ ഡിവിഷനിലെ എടച്ചൊവ്വ യു.പി സ്‌കൂള്‍ കനാല്‍ ലിങ്ക് റോഡ് ടാര്‍ ചെയ്യുന്നതിനും അഞ്ച് ലക്ഷം രൂപ വിനിയോഗിച്ച് പള്ളിപ്രം ഡിവിഷന്‍ കടാങ്കോട് ക്രഷര്‍-മുനമ്പത്ത് റോഡ് ടാര്‍ ചെയ്യുന്നതിനുമാണ് ഭരണാനുമതി നല്‍കി.