തേയില വില്‍പ്പനയില്‍ റേക്കോര്‍ഡിട്ട് ഹല്‍മാരി സി.ടി.സി തേയില കമ്പനി. ലേലത്തില്‍ കിലോക്ക് 700 രൂപക്കാണ് തേയില വിറ്റുപോയത്. ഇന്ത്യയില്‍ ഏറ്റവും വിലക്ക് വിറ്റ് പോവുന്ന തേയിലയാണിത്. 2016ല്‍ 600രൂപക്കായിരുന്നു സിടിസി തേയില തന്നെ വിറ്റിരുന്ന റെക്കോര്‍ഡാണ് ഇപ്പോള്‍ തിരുത്തിയത്. 

കൊല്‍ക്കത്തയിലെ മഹാബോദി ടീ ഹൗസ് നടത്തുന്ന ജെ. തോമസാണ് റേക്കോര്‍ഡ് വിലക്ക് തേയില വാങ്ങിയത്. അദ്ദേഹം 307.8 കിലോ തേയിലയാണ് വാങ്ങിയത്. ഈ തേയില കിലോക്ക് 1000 മുതല്‍ 1200വരെ രൂപക്ക് വില്‍ക്കാന്‍ സാധിക്കുമെന്ന് തോമസ് പറഞ്ഞു.
മധുരവും സുഗന്ധവുമുള്ളതാണ് ഹല്‍മാരി തേയിലക്ക് വില കൂടാന്‍ കാരണം.