വുഹാന്‍: ചൈനീസ് പ്രസിഡന്റ് ഷി ജിന്‍പിങുമായുള്ള കൂടിക്കാഴ്ചയ്ക്കായി പ്രധാനമന്ത്രി നരേന്ദ്ര മോദി ചൈനയിലെത്തി. പ്രദേശിക സമയം 12.30 ന് തിയാന്‍ഹെ അന്താരാഷ്ട്ര വിമാനത്താവളത്തിലാണ് എത്തിയത്.

ഉപമന്ത്രി കോങ് ഷ്വാന്‍ഹ്യു, അംബാസഡര്‍ ലുവോ ഴാഹുയി തുടങ്ങി വിവിധ ഉദ്യോഗസ്ഥര്‍ ചേര്‍ന്നാണ് മോദിയെ സ്വീകരിച്ചത്.

വുഹാന്‍ സിറ്റിയിലാണ് ഷി ജിന്‍പിങുമായി ചര്‍ച്ച നടക്കുന്നത്. ഔദ്യോഗിക ചര്‍ച്ചകളോ കരാറുകളോ സംയുക്ത വാര്‍ത്താ സമ്മേളനമോ ഉണ്ടാവില്ല. രണ്ടു ദിവസത്തിനു ശേഷം മോദി തിരികെ ഇന്ത്യയിലെത്തും.