പറവൂര്‍: പൊലിസ് കസ്റ്റഡിയില്‍ ശ്രീജിത്ത് കൊല്ലപ്പെട്ട കേസില്‍ റിമാന്‍ഡില്‍ കഴിയുന്ന മൂന്ന് പൊലിസുകാരെ പൊലിസ് കസ്റ്റഡിയില്‍ വിട്ടു.
പറവൂര്‍ ജുഡീഷ്യല്‍ ഫസ്റ്റ് ക്ലാസ് മജിസ്‌ട്രേറ്റ് (മൂന്ന്) രാമു രമേഷ് ചന്ദ്രബാനുവാണ് ഏപ്രില്‍ 30 വരെ ഇവരെ കസ്റ്റഡിയില്‍ വിട്ടത്. ആലുവ റൂറല്‍ എസ്.പിയുടെ ടൈഗര്‍ഫോഴ്‌സ് സ്‌ക്വാഡില്‍പ്പെട്ട സന്തോഷ് കുമാര്‍, ജിതിന്‍രാജ്, സുമേഷ് എന്നിവരെയാണ് പ്രത്യേക അന്വേഷണ സംഘത്തിന്റെ ആവശ്യപ്രകാരം പൊലിസ് കസ്റ്റഡിയില്‍ വിട്ടത്. ഇവര്‍ കേസിലെ ഒന്നുമുതല്‍ മൂന്ന് വരെ പ്രതികളാണ്.