അടിമാലി: വൊക്കേഷണല്‍ ഹയര്‍ സെക്കന്‍ഡറി സ്‌കൂള്‍ നാഷണല്‍ സര്‍വീസ് സ്‌കീമിന്റെ നേതൃത്വത്തില്‍ അടിമാലി എസ്.എന്‍.ഡി.പി. സ്‌കൂളില്‍ ദ്വിദിന ക്യാമ്പ് ആരംഭിച്ചു.
അടിമാലി ഗ്രാമപഞ്ചായത്ത് സ്റ്റാന്‍ഡിംഗ് കമ്മിറ്റി അധ്യക്ഷന്‍ കെ.എസ്. സിയാദ് ഉദ്ഘാടനം ചെയ്തു. പ്രിന്‍സിപ്പല്‍ പി.എന്‍. അജിത അധ്യക്ഷത വഹിച്ചു. വാര്‍ഡ് മെമ്പര്‍ ശാലിനി നിലേഷ് മുഖ്യപ്രഭാഷണം നടത്തി. അടിമാലിയില്‍ മാലിന്യപ്രശ്‌നങ്ങള്‍ രൂക്ഷമായ പശ്ചാത്തലത്തില്‍ ഏഴാം വാര്‍ഡില്‍ വേസ്റ്റ് മാനേജ്‌മെന്റ് സര്‍വേ നടത്തി മാലിന്യ സംസ്‌കരണ പദ്ധതി സംന്ധിച്ച പരിപാടികള്‍ ക്യാമ്പില്‍ നടക്കും. എന്‍.എസ്.എസ്. ഇടുക്കി ജില്ലാ പി.എ.സി. അംഗം എം.എസ്. അജി, പ്രോഗ്രാം ഓഫീസര്‍ പി.എസ്. നിഥിന്‍നാഥ്, അധ്യാപകരായ എം. ഷിബു, ജി. പ്രമോദ്, വോളന്റിയര്‍മാരായ ഷാഹുല്‍ ഷാജി, അമൃത നേതൃത്വം നല്‍കി.