അടിമാലി : അയല്‍വാസിയുടെ ആടിനെ മോഷ്ടിച്ച് വില്‍പന നടത്തിയ കേസില്‍ രണ്ട് പേരെ വെള്ളത്തൂവല്‍ പൊലിസ് അറസ്റ്റ് ചെയ്തു.
ഇരുട്ടുക്കാനം കല്ലാര്‍ സ്വദേശി അനുവിന്റെ ആടിനെ മോഷ്ടിച്ച് വില്‍പ്പന നടത്തിയ കേസില്‍  പാണ്ടി(38),  അനീഷ്( 38) എന്നിവരാണ്  അറസ്റ്റിലായത്.  16 കിലോ തൂക്കം വരുന്ന ആടിനെ മോഷ്ടിച്ച് പാണ്ടിയുടെ ഓട്ടോയില്‍ മൂന്നാറില്‍ എത്തിച്ച് കശാപ്പ്കാര്‍ക്ക് വില്‍പ്പന നടത്തുകയായിരുന്നു.  ഇവര്‍ ആടിനെ കശാപ്പ് ചെയ്ത് വില്‍ക്കുകയും ചെയ്തു.
വെള്ളത്തൂവല്‍ എസ് ഐ വിജയന്‍, എ എസ് ഐ സിവി ഉലഹന്നാല്‍ എന്നിവര്‍ ചേര്‍ന്നാണ് പ്രതികളെ കല്ലാര്‍,നെടുംങ്കണ്ടം എന്നിവിടങ്ങളില്‍ നിന്നും പിടികൂടിയത്.