കൊടുവള്ളി: സമൂഹമാധ്യമങ്ങള്‍ വഴി പ്രചരിപ്പിച്ച് നടന്ന ഹര്‍ത്താലിനിടെ കൊടുവള്ളിയില്‍ അക്രമസംഭവങ്ങളുമായി ബന്ധപ്പെട്ട് പൊലിസ് നിരപരാധികളെ വേട്ടയാടുന്നത് അവസാനിപ്പിക്കണമെന്ന് ആവശ്യപ്പെട്ട് മുസ്‌ലിം ലീഗ് മുനിസിപ്പല്‍ കമ്മിറ്റിയുടെ ആഭിമുഖ്യത്തില്‍ നടത്തിയ പ്രതിഷേധ സംഗമം യൂത്ത് ലീഗ് ജില്ലാ പ്രസിഡന്റ് സാജിദ് നടുവണ്ണൂര്‍ ഉദ്ഘാടനം ചെയ്തു.
ഹര്‍ത്താലിന്റെ പേരില്‍ പ്രത്യേക വിഭാഗത്തെ തെരഞ്ഞുപിടിച്ച് അറസ്റ്റ് ചെയ്യുന്ന നടപടി അവസാനിപ്പിച്ചില്ലെങ്കില്‍ ശക്തമായ പ്രക്ഷോഭം സംഘടിപ്പിക്കുമെന്ന് അദ്ദേഹം പറഞ്ഞു. മുനിസിപ്പല്‍ ലീഗ് പ്രസിഡന്റ് വി.കെ അബ്ദു ഹാജി അധ്യക്ഷനായി. ടി.കെ മുഹമ്മദ് മാസ്റ്റര്‍, കെ.കെ.എ ഖാദര്‍, വേളാട്ട് അഹമ്മദ് മാസ്റ്റര്‍, കെ.സി മുഹമ്മദ് മാസ്റ്റര്‍, വി.എ റഹ്മാന്‍, പി. മുഹമ്മദ്, എടകണ്ടി നാസര്‍, എം. നസീഫ് സംസാരിച്ചു.