കോട്ടയം: സി.പി.ഐ സംസ്ഥാന സെക്രട്ടറി കാനം രാജേന്ദ്രനെതിരെ കേരളാ കോണ്‍ഗ്രസ് എം ചെയര്‍മാന്‍ കെ.എം മാണി. തങ്ങളുടെ വോട്ട് വേണ്ടെന്ന നിലപാടുള്ള സി.പി.ഐയ്ക്കും കാനത്തിനും ഒരു വെടിയ്ക്ക് രണ്ടു പക്ഷിയെന്നുള്ള ലക്ഷ്യമാണുള്ളത്.

എല്‍.ഡി.എഫ് ജയിക്കണമെന്ന ആഗ്രഹമൊന്നും കാനത്തിനില്ല. നില്‍ക്കുന്നത് സി.പി.എം സ്ഥാനാര്‍ഥിയാണെന്നതിനാല്‍ എല്‍.ഡി.എഫ് തോറ്റാലും അവര്‍ക്കൊന്നും നഷ്ടപ്പെടാനില്ല. കേരളാ കോണ്‍ഗ്രസിന്റെ വോട്ട് വേണ്ടെന്ന് പറഞ്ഞാല്‍ നഷ്ടം സി.പി.എമ്മിനായിരിക്കുമെന്നും മാണി പറഞ്ഞു.

ചെങ്ങന്നൂര്‍ ഉപതെരഞ്ഞെടുപ്പില്‍ ആര്‍ക്ക് വോട്ട് ചെയ്യണമെന്ന് പാര്‍ട്ടി ആലോചിച്ച് തീരുമാനിക്കും. കേരള കോണ്‍ഗ്രസ് വോട്ടു ചെയ്യുന്നവര്‍ ചെങ്ങന്നൂരില്‍ വിജയിക്കുമെന്നും മാണി പറഞ്ഞു.