കൊച്ചി: ജൂണ്‍ ഒന്ന് മുതല്‍ സംസ്ഥാനത്തെ സ്വകാര്യ ബസുകളില്‍ കയറുന്ന ഒരു വിദ്യാര്‍ഥിക്കും യാത്രാ നിരക്കില്‍ ഇളവ് അനുവദിക്കില്ലെന്ന് സ്വകാര്യ ബസുടമകള്‍.

വരുന്ന അധ്യായന വര്‍ഷം മുതല്‍ വിദ്യാര്‍ഥികളില്‍ നിന്നും മുഴുവന്‍ നിരക്കും സ്വകാര്യ ബസുകള്‍ ഈടാക്കും. വിദ്യാര്‍ഥികളെ കുറഞ്ഞ നിരക്കില്‍ സ്വകാര്യ ബസുകളില്‍ പ്രവേശിപ്പിക്കണമെങ്കില്‍ സര്‍ക്കാര്‍ സബ്ഡിസി നല്‍കണമെന്നും ബസുടമകള്‍ വ്യക്തമാക്കി.

കണ്‍സെഷന്‍ എടുത്തുകളയണമെന്നാവശ്യപ്പെട്ട് മെയ് 8 ന് സെക്രട്ടറിയേറ്റിനു മുന്നില്‍ രാപ്പകല്‍ സമരം നടത്തുമെന്നും പ്രൈവറ്റ് ബസ് കോര്‍ഡിനേഷന്‍ കമ്മിറ്റി കണ്‍വീനര്‍ ടി ഗോപിനാഥ് പറഞ്ഞു.