കണ്ണൂര്‍: പരിയാരം സഹകരണ മെഡിക്കല്‍ കോളജ് സര്‍ക്കാര്‍ ഏറ്റെടുത്തു. മെഡിക്കല്‍ കോളജ് അങ്കണത്തില്‍ നടന്ന ചടങ്ങില്‍ ആരോഗ്യമന്ത്രി കെ.കെ ശൈലജയാണ് പ്രഖ്യാപനം നടത്തിയത്.

പരിയാരം മെഡിക്കല്‍ കോളേജിനെ സെന്റര്‍ ഓഫ് എക്‌സലന്‍സും മികച്ച ഗവേഷണ കേന്ദ്രവുമാക്കി മാറ്റും. മെഡിക്കല്‍ കോളേജില്‍ കാരുണ്യ ഫാര്‍മസ ഉടന്‍ ആരംഭിക്കുന്നതാണ്. കോളേജിനെ ഒരു ലോകോത്തര സ്ഥാപനമാക്കി മാറ്റാന്‍ കക്ഷിരാഷ്ട്രീയം മറന്ന് എല്ലാവരുടേയും പിന്തുണയും അഭ്യര്‍ത്ഥിക്കുന്നുവെന്നും ആരോഗ്യമന്ത്രി പറഞ്ഞു.