അരിസോണ: ശതാബ്ദി കോപ്പ അമേരിക്കയിലെ അരങ്ങേറ്റ മത്സരത്തില്‍ മെക്‌സികോക്ക് തകര്‍പ്പന്‍ ജയം. ഉറുഗ്വെയെ 3-1ന് തകര്‍ത്താണ് മെക്‌സിക്കോയുടെ ജയം. നാലാം മിനിറ്റില്‍ ഉറുഗ്വായുടെ ആല്‍വരെ ഡാനില്‍ പെരേരയുടെ സെല്‍ഫ് ഗോളിലൂടെയാണ് മെക്‌സിക്കോ ആദ്യ ഗോള്‍ നേടുന്നത്.

74ാം മിനിറ്റില്‍ ക്യാപ്റ്റന്‍ ഡീഗോ ഗോഡിനിലൂടെ ഉുറുഗ്വായ് സമനില ഗോള്‍ നേടി. 84ാം മിനിറ്റില്‍ ക്യാപ്റ്റന്‍ മാര്‍ക്കേസ് ആല്‍വേരസിലൂടെ മെക്‌സികോ രണ്ടാം ഗോള്‍ നേടി. എക്‌സ്ട്രാ ടൈമില്‍ ഹെക്റ്റര്‍ ഹെരേരയുടെ മനോഹരമായ ഗോളിലൂടെ മെക്‌സിക്കോ ഗോള്‍പട്ടിക പൂര്‍ത്തിയാക്കി. ആദ്യാവസാനം വരെ ആവേശം നിറഞ്ഞ പോരാട്ടത്തില്‍ ഇരു ടീമുകളില്‍ നിന്നും ഓരോ പേര്‍ ചുവപ്പ് കാര്‍ഡ് കണ്ട് പുറത്തായി. കളിയവസാനിക്കുമ്പോള്‍ ഇരു ടീമുകളിലും പത്ത് പേരാണുണ്ടായിരുന്നത്.