കളമശേരി: സീപോര്‍ട്ട് - എയര്‍പോര്‍ട്ട് റോഡില്‍ കൈപ്പടമുഗളില്‍ പാചക വാതക ടാങ്കര്‍ മറിഞ്ഞു. ഇന്നലെ രാത്രി 9.40നോടെയാണ് അപകടം. കൊച്ചിന്‍ റിഫൈനറിയില്‍ നിന്നും ഗ്യാസ് കയറ്റി വരികയായിരുന്ന ഗ്യാസ് ടാങ്കര്‍ ലോറിയാണ് മറിഞ്ഞത്.
കളമശേരി ഭാഗത്തേക്ക് പോകുകയായിരുന്ന ടാങ്കര്‍ ലോറി മുന്നില്‍ പോകുകയായിരുന്ന വാഹനം പെട്ടെന്ന് ഇടതു വശത്തേക്ക് തിരിഞ്ഞപ്പോള്‍ അപകടമൊഴിവാക്കാന്‍ വെട്ടിച്ചപ്പോള്‍ മീഡിയനിലിടിച്ച് മറിയുകയായിരുന്നു.
റോഡിനു മധ്യഭാഗത്തായാണ് ലോറി മറിഞ്ഞത്. ഗ്യാസ് ചോര്‍ച്ചയുണ്ടാകാനുള്ള സാധ്യത കണക്കിലെടുത്ത് ഇന്നലെ രാത്രി റോഡ് ഗതാഗതം പൂര്‍ണമായും തടഞ്ഞു.