തൃശൂര്‍: സത്താര്‍ ആദൂരിന് ഗിന്നസ് വേള്‍ഡ് റെക്കോര്‍ഡ്. സാഹിത്യ അക്കാദമി ഹാളില്‍ 3,137 ചെറുപുസ്തകങ്ങളുടെ ശേഖരം ഒരുക്കിയാണ് റെക്കോര്‍ഡില്‍ ഇടംപിടിച്ചത്.
യൂനിവേഴ്‌സല്‍ റെക്കോര്‍ഡ് ഫോറം ഏഷ്യാജൂറി ഡോ.സുനില്‍ ജോസഫാണ് ഫലപ്രഖ്യാപനം നടത്തിയത്. അസര്‍ബൈജാനിലെ സലഘോവ സാരിഫ തൈമുര്‍ ഗൈസിയുടെ പേരിലുളള റെക്കാര്‍ഡാണ് സത്താര്‍ മറികടന്നത്. 7.5 സെന്റിമീറ്റര്‍ നീളമുള്ള 2,913 പുസ്തകങ്ങളാണ് നിലവിലെ റെക്കോര്‍ഡ്. സത്താര്‍ വെള്ളറക്കാട് ആദൂര്‍ സ്വദേശിയാണ്. ഗിന്നസ് വേള്‍ഡ് റെക്കോര്‍ഡിനായുളള പ്രദര്‍ശനം സഹകരണ മന്ത്രി എ.സി മൊയ്തീന്‍ ഉദ്ഘാടനം ചെയ്തു. മേയര്‍ അജിതാ ജയരാജ് അധ്യക്ഷയായി.