ലഖ്‌നൗ: ഉത്തര്‍പ്രദേശില്‍ മിനി വാന്‍ ട്രക്കുമായി കൂട്ടിയിടിച്ച് ഒന്‍പത് മരണം. ലക്ഷ്മിപൂരില്‍ ദേശീയപാത 24ലായിരുന്നു സംഭവം. റോഡരികില്‍ നിര്‍ത്തിയിട്ടിരുന്ന ട്രക്കില്‍ മിനി വാന്‍ ഇടിക്കുകയായിരുന്നു. സീതാപൂരില്‍നിന്ന് ഷാജഹാന്‍പൂരിലേക്ക് പോകുകയായിരുന്നു വാന്‍. നാലു പേര്‍ക്ക് പരിക്കേറ്റിട്ടുണ്ടെന്ന് പൊലിസ് പറഞ്ഞു. പരിക്കേറ്റവരെ ആശുപത്രിയില്‍ പ്രവേശിപ്പിച്ചു. ഇതില്‍ മൂന്നുപേരുടെ നില ഗുരുതരമാണ്. സംഭവത്തില്‍ മുഖ്യമന്ത്രി യോഗി ആദിത്യനാഥ് ദു:ഖം രേഖപ്പെടുത്തി.