കൊച്ചി: ലുലു ബോള്‍ഗാട്ടി ഇന്റര്‍നാഷനല്‍ കണ്‍വന്‍ഷന്‍ സെന്ററും ഗ്രാന്‍ഡ് ഹയാത്ത് ഹോട്ടലും മുഖ്യമന്ത്രി പിണറായി വിജയന്‍ നാടിന് സമര്‍പ്പിച്ചു.
പ്രൗഢമായ ചടങ്ങില്‍ കേന്ദ്രമന്ത്രി നിതിന്‍ ഗഡ്കരി അധ്യക്ഷത വഹിച്ചു.
യു.എ.ഇ ടോളറന്‍സ് മിനിസ്റ്റര്‍ ഷെയ്ഖ് നഹ്‌യാന്‍ ബിന്‍ മുബാറക് അല്‍ നഹ്‌യാന്‍ മുഖ്യാതിഥിയായി. ബഹ്‌റൈന്‍ ഉപപ്രധാനമന്ത്രി ഷെയ്ഖ് ഖാലിദ് ബിന്‍ അബ്ദുല്ല അല്‍ഖലീഫ വിശിഷ്ടാതിഥിയായി.
കേരളത്തിനും രാജ്യത്തിനും അഭിമാനമായ ഏഷ്യയിലെ ഏറ്റവും വലിയ കണ്‍വന്‍ഷന്‍ സെന്റര്‍ യാഥാര്‍ഥ്യമാക്കിയ എം.എ യൂസഫലിയെ നാടിന് വേണ്ടി അഭിനന്ദിക്കുകയാണെന്ന് മുഖ്യമന്ത്രി ചടങ്ങില്‍ പറഞ്ഞു.
കേന്ദ്ര സഹമന്ത്രി അല്‍ഫോന്‍സ് കണ്ണന്താനം, പ്രതിപക്ഷ നേതാവ് രമേശ് ചെന്നിത്തല, മന്ത്രിമാരായ കടകംപള്ളി സുരേന്ദ്രന്‍, വി.എസ് സുനില്‍കുമാര്‍, പ്രൊഫ. കെ.വി തോമസ് എം.പി, പി.കെ കുഞ്ഞാലിക്കുട്ടി എം.പി, കെ.എം മാണി എം എല്‍ എ, എസ്.ശര്‍മ എം.എല്‍.എ പങ്കെടുത്തു. എം.എ യൂസഫലി സ്വാഗതവും എക്‌സിക്യൂട്ടീവ് ഡയറക്ടര്‍ എം.എ അഷ്‌റഫ് അലി നന്ദിയും പറഞ്ഞു.