ഇത്തവണത്തെ പാരിസ് ഒളിമ്പിക്‌സില്‍ നിന്ന് ഇന്ത്യയുടെ മെഡല്‍ പ്രതീക്ഷയായിരുന്ന മലയാളി അത്‌ലറ്റ് 
എം ശ്രീശങ്കര്‍ പിന്മാറിയതായി അറിയിച്ചു. കാലിന് പരിക്ക് പറ്റി ഡോക്ടര്‍മാര്‍ ശസ്ത്രക്രിയ നിര്‍ദേശിച്ചതിനാല്‍ ഒളിമ്പിക്‌സില്‍ മത്സരിക്കാനാവില്ലെന്നാണ് ശ്രീശങ്കര്‍ തന്റെ തന്റെ ഔദ്യോഗിക സോഷ്യല്‍ മീഡിയ അക്കൗണ്ടിലൂടെ അറിയിച്ചത്.

ചൊവ്വാഴ്ചയാണ് തനിക്ക് പരിക്കേറ്റത് വിശദമായ പരിശോധനയില്‍ ഡോക്ടര്‍മാര്‍ പരിക്ക് ഗൗരവമുള്ളതാണെന്നും ശസ്ത്രക്രിയ വേണമെന്നും നിര്‍ദേശിച്ചിട്ടുണ്ട്. ഇതോടെ പാരിസ് ഒളിമ്പിക്‌സില്‍ മത്സരിക്കാമെന്ന് തന്റെ സ്വപ്നമാണ് അവസാനിച്ചത്. ഈയൊരു ഘട്ടത്തില്‍ എല്ലാവരുടെയും പ്രാര്‍ത്ഥനയും സ്‌നേഹവും കൂടെ ഉണ്ടാവണം എന്നും എക്‌സില്‍ പങ്കുവെച്ച പോസ്റ്റില്‍ താരം പറയുന്നു.